El alzamiento de Fernando IV como rey de Castilla

Desque fue enterrado el rey don Sancho, tomaron luego al infante don Fernando,  e tiraronle los pannos de marfaga que tenia vestidos por su padre e vistieronle unos pannos notables de tartari. E pusieronte ante el altar mayor e juro de guardar los fueros e los fijosdalgo e a todos los otros de su reyno. Otrosi lo juro por el la noble reyna donna Maria, su madre, e el infante don Enrrique besole la mano e tomole por rey e por sennor de todos los reynos de Castilla e de Leon, e llamaron todos quantos ay estauan: ¡Real por el rey don Ferrando!

Efigie de Fernando IV. Inicios siglo XIV. Privilegio. Archivo Histórico de la Nobleza (Toledo), Priego, carp. 15, doc. 16

E don Nunno Gonçalez de Lara tomó las armas del rey e tráxolas al cuello, e andudieron con el rey por toda la çibdad, e despues duró el llanto nueue días. E los nueue dias pasados, la noble reyna donna Maria llamo al infante don Enrrique e a don Nunno Gonçalez e a los otros ommes buenos e otrosy al arçobispo e a los obispos e mostroles el estado de la tierra, sennaladamente en vn pecho que les echara el rey don Sancho que dezian sisa, de que se atrauiaua toda la tierra, e acordo con ellos que lo quitase el rey. E luego a la ora les enbio sus cartas de commo el rey don Sancho era muerto  e que tomaran por rey a don Fernando, su fijo, e que les otorgaua sus fueros e que les quitaua la sisa e que les mandaua que lo tomansen por rey e por sennor, e todas las çibdades e las vyllas asy lo fizieron en cada lugar.

Benítez Guerrero, Carmen (ed.): Crónica de Fernando IV. Estudio y edición de un texto postalfonsí, Sevilla: Editorial Universidad de Sevilla; El Puerto de Santa Marí (Cádiz): Cátedra Alfonso X el Sabio, cap. I, pp. 9-10.